21-րդ դարում մենք մուտք ենք գործում համաշխարհային ռիսկերի, ինչպես նաև քաղաքականության քվանտային ֆիզիկայի վարքագծի ժամանակաշրջան։ Սոցիալական, քաղաքական իրադարձությունները 21-րդ դարում բացարձակապես տարբերվող վարքագիծ են ունենալու։ Համաշխարհային ռիսկերի վարքագիծը տեխնոլոգիաների, համաճարակների կամ ահաբեկչության դեպքում ամբողջովին տարբերվելու է 20 -րդ դարի նրանց վարքագծից։ Եվ, քանի որ ռիսկերը քվանտային ֆիզիկայով են նկարագրվում, ապա դրանց լուծումները ևս պետք է քվանտային լինեն։ Ուստի, բարի գալուստ 21- րդ դար, որտեղ ձեզնից յուրաքանչյուրը պետք է մտածի տարբեր, որտեղ ձեզնից  յուրաքանչյուրը պետք է լինի ստեղծարար, ինչպես նաև՝ քվանտային…

Եթե կարդում եք սա, ապա դուք արդեն իսկ ճանապարհին եք, դուք ճիշտ տեղում հայտնվելու սահմանին եք, այն վայրի, որտեղ դուք կսովորեք բնության հիմունքները և տեխնոլոգիաների գործառութները: Եվ դուք կսովորեք տալ բոլոր ճիշտ հարցերը այն մասին, թե որտեղից ենք մենք գալիս և ուր ենք գնում: Նույնիսկ հնարավոր է կգտնեք որոշ հարցերի պատասխանները: Դուք կսովորեք չտարվել կան չշեղվել ինչ որ նշանակություն չունեցող և անցողիկ բաներով: Դուք երբեք չեք ձանձրանա և չեք հոգնի, քանի որ ֆիզիկան ձեր մտքերի և հաջողությունների միջոցով ձեզ մղում է դեպի հզորություն, ոգեշնչում և բնության ներդաշնակություն, խիզախումը ուսումնասիրելու անսահմանությունը, տիեզերքի և լույսի իմաստը, ամեն նյութականի և ոչնյութականի քվանտային բնույթը: Եվ, այո, ստիպեք դրանց ծառայելու ձեզ և ձեր շրջապատի աշխարհին: Ֆիզիկան ամենափոխարկելիարտարժույթն է: Դուք կարող եք ունենալ այն ամբողջությամբ:

Ֆիզիկայի ֆակուլտետում սովորած չորս տարիները շատ կարևոր տրանսֆորմատիվ ազդեցություն թողեցին իմ կայացման վրա: Որովհետև ֆիզիկայի ֆակուլտետը, և այն ամենը ինչ մենք սովորում էինք ֆակուլտետում զարգացրեց իմ մեջ այնպիսի հատկություններ, որոնք շատ պետք եկան բիզնես դպրոցում սովորելու և հետագայում աշխատելու ժամանակ: Դրանցից առաջին հերթին վերացական մտածողությունն է, երբ դու հասկանում ես, որ աշխարհը այնպիսին չէ ինչպիսին տեսնում ես:  

Ես խորը մասնագիտացել եմ ֆիզիկայի կարևորագույն և ամենագեղեցիկ ճյուղերից մեկի՝ ֆոտոնիկայի ուղղությամբ: Այս բնագավառում և, մասնավորապես, մեր ձեռնարկությունում արտադրվում են օպտիկական սարքավորումներ, որոնք օգտագործվում են բջջային հեռախոսներում, բժշկության մեջ՝ աչքի վիրահատման, արյան անալիզի համար, ռոբոտաշինության մեջ, մեքենաշինության մեջ և այլն: ԵՊՀ ֆիզիկայի ֆակուլտետում կան լավ մասնագետներ և դասախոսներ նաև ֆոտոնիկայի բնագավառում:   

Մեր ընկերության բնույթի մասնավոր տեղեկատվական ձեռնարկություններում շատ են պահանջված այն գիտելիքները և այն շրջանավարտները, որ տալիս է ԵՊՀ ֆիզիկայի ֆակուլտետը:  Բոլոր տեխնոլոգիական պրոցեսների մեխանիզմների հիմքում ընկած է ֆիզիկան: Այդ պատճառով նոր տեխնոլոգիական արդյունք ստեղծելու համար շատ կարևոր է ֆիզիկայի հիմունքների իմացությունը: Իսկ այդպիսի հիմունքներ սովորում են հատկապես ԵՊՀ ֆիզիկայի ֆակուլտետում:

Ջերմորեն խորհուրդ եմ տալիս երիտասարդ տղաներին եւ աղջիկներին մտածել ֆիզիկայի,
ճարտարագիտական ֆիզիկայի, կենսաբժշկական ֆիզիկայի և նման մասնագիտությունների մասին :
Եթե չհաշվենք մեր քնած ժամանակը, ապա համարյա մեր կյանքի կեսը ացնում է աշխատանքի վայրում, որը մասնագիտության խելամիտ ընտրությունը դարձնում է մեր գիտակից կյանքի կարևորագույն քայլերից
մեկը:

ԵՊՀ-ն տալիս է այնպիսի կրթություն, որը հնարավորություն է տալիս գիտական աշխատողին մրցունակ լինել աշխարհի գիտության շուկայում:

Եվ իմ խորհուրդն է ձեզ, եթե ցանկանում եք անել այն, ինչ իսկապես սիրում եք, և եթե դեռ չեք որոշել, ոչինչ, սովորեք այն առարկաները, որոնք կարևորվում են, և սովորեք այն առարկաները որոնք կմարզեն ձեր միտքը, որովհետեև դուք ունեք դրա կարիքը: Մաղթում եմ Ձեզ հաջողություն: